§ 11 SHOW LINKS TO MANUSCRIPTS
| 1 | manebat antequam uinum inueniretur omnibus inconcussa libertas; nemo sciebat a consorte naturae suae obsequia seruitutis exigere. |
| 2 | non esset hodie seruitus, si ebrietas non fuisset. |
| 3 | oprepserat quidem fraternae praelationis inuidia, manebat tamen adhuc paternae pietatis reuerentia. |
| 4 | laesa pietas est, dum ridetur ebrietas. |
| 5 | non illis itaque solis nocent uina quos temptant, sed et illis amplius quorum oculis temulenta ebriorum membra nudantur. |
| 6 | hinc risus inreuerens nascitur, hinc libido flammatur, ut multo maiore temulentia eos uina perturbent quorum oculos ac mentem inebriauerint quam quorum membra prostrauerint. |